មនុស្សជាច្រើន ប្រហែលមិនធ្លាប់ដឹងទេថា សូម្បីតែប្រធានាធិបតីអាមេរិកក៏មានឈ្មោះហៅក្រៅដែរ។
ខាងក្រោមនេះ គឺជាឈ្មោះហៅក្រៅរបស់ប្រធានាធិបតីអាមេរិកទាំង២៥រូប៖
២៥. លោក Grover Cleveland ៖ His Obstinacy
លោក Grover Cleveland បានបដិសេធវិក្កយបត្រច្រើនជាងប្រធានាធិបតី ២១ នាក់ដំបូងទៅទៀត។
២៤. លោក Woodrow Wilson ៖ The Phrasemaker
ប្រធានាធិបតីរូបនេះ ពូកែថ្លែងសុន្ទរកថាបំផុត ដោយលោកមិនត្រូវការអ្នកសរសេរអត្ថបទសុន្ទរកថានោះទេ។
២៣. James Garfield ៖ Boatman Jim
លោក James Garfield ទទួលបានឈ្មោះហៅក្រៅនេះ ដោយសារតែលោកធ្លាប់ធ្វើការនៅប្រឡាយ Ohio កាលពីក្មេង។
២២. លោក Jimmy Carter ៖ The Peanut Farmer
លោកត្រូវបានគេហៅឈ្មោះថា The Peanut Farmer ដោយសារតែលោកជាម្ចាស់កសិដ្ឋានសណ្ដែកដីមួយកន្លែង។
២១. លោក Ronald Reagan ៖ The Great Communicator
លោក Ronal Reagan គឺជាមនុស្សដែលពូកែខាងទំនាក់ទំនង។
២០. លោក George H. W. Bush ៖ Poppy
ឈ្មោះ Poppy គឺជាឈ្មោះហៅក្រៅរបស់លោកតាំងពីក្មេងមកម្ល៉េះ។
១៩. លោក Bill Clinton ៖ Bubba
Bubba គឺជាឈ្មោះហៅក្រៅទូទៅសម្រាប់បុរសនៅភាគខាងត្បូងសហរដ្ឋអាមេរិច។
១៨. លោក Georg W. Bush ៖ Dubya
ឈ្មោះ Dubya គឺផ្អែកលើការបញ្ចេញសំឡេងរបស់រដ្ឋ Texas នៃអក្សរ W។
១៧. លោក Barack Obama ៖ No Drama Obama
ឈ្មោះនេះ កើតឡើងដោយសារការប្រុងប្រយ័ត្នចំពោះយុទ្ធនាការប្រធានាធិបតីរបស់លោក កាលពីឆ្នាំ ២០០៧។
១៦. លោក Rutherford B. Hayes ៖ Rutherfraud
បន្ទាប់ពីមានជម្លោះក្នុងការបោះឆ្នោតនៅឆ្នាំ ១៨៧៦ ប្រជាជនជាច្រើនចាត់ទុកថាលោក Rutherford ទទួលតំណែងដោយមិនស្របច្បាប់។
១៥. លោក Ulysses S. Grant ៖ Unconditional Surrender Grant
លោក Ulysses បានក្លាយជាវីរបុរសសម្រាប់ការមិនទាមទារអ្វីទាំងអស់ ក្រៅពីសុំចុះចាញ់ដោយឥតលក្ខខណ្ឌ។
១៤. លោក Andrew Johnson ៖ The Tennessee Tailor
លោក Andrew ធ្លាប់ធ្វើជាជាងកាត់ដេរ មុនពេលក្លាយខ្លួនជាប្រធានាធិបតី។
១៣. លោក Abraham Lincoln ៖ Uncle Abe
លោក Abraham ត្រូវបានទទួលស្គាល់សម្រាប់ភាពសប្បុរស និងភាពរួសរាយរបស់លោក។
១២. លោក James Buchanan ៖ Old Buck
ឈ្មោះហៅក្រៅនេះ គឺជាឈ្មោះកាត់របស់លោក James។
១១. លោក Franklin Pierce ៖ Young Hickory of the Granite Hills
ឈ្មោះនេះ ត្រូវបានគេប្រៀបធៀបជ័យជម្នះក្នុងសង្គ្រាម Mexican-American របស់លោកទៅនឹងសង្គ្រាមរបស់ Andrew Jackson។ ចំណែកឯពាក្យ The Granite Hills គឺសំដៅដល់ផ្ទះរបស់លោកក្នុងរដ្ឋ New Hampshire។
១០. លោក James Polk ៖ Napoleon of the Stump
ឈ្មោះហៅក្រៅនេះ គឺសំដៅដល់សុន្ទរកថាដ៏មានអំណាចរបស់លោក ក្នុងអំឡុងពេលដំណើរការនីតិរដ្ឋ Tennessee របស់លោក។
៩. លោក John Tyler ៖ His Accidency
ឈ្មោះនេះ ត្រូវបានប្រើដោយគូប្រជែងរបស់លោក ព្រោះ John Tyler គឺជាប្រធានាធិបតីដំបូងបង្អស់ដែលឡើងកាន់តំណែង ដោយសារតែការស្លាប់របស់ប្រធានាធិបតីមុន (William Henry Harrison) ។
៨. លោក William Henry Harrison ៖ Washington of the West
ឈ្មោះនេះ គឺសំដៅដល់ជ័យជម្នះរបស់លោកក្នុងសង្គ្រាម Tippecanoe and Thames។
៧. លោក Martin Van Buren ៖ The Careful Dutchman
លោកត្រូវបានហៅឈ្មោះយ៉ាងដូច្នេះ ដោយសារតែភាសាដំបូងរបស់លោក គឺភាសា Dutch។
៦. លោក Andrew Jackson ៖ Old Hickory
ឈ្មោះហៅក្រៅនេះ ត្រូវបានដាក់ឲ្យដោយកូនទាហានសម្រាប់ភាពរឹងមាំរបស់លោក ដូចទៅនឹងដើមឈើ Hickory ។
៥. លោក John Quincy Adams ៖ The Abolitionist
លោកត្រូវបានទទួលស្គាល់សម្រាប់ការលើកយកបញ្ហាទាសករប្រឆាំងនឹងច្បាប់ Congressional។
៤. លោក James Monroe ៖ The Last Cocked Hat
លោក គឺជាប្រធានាធិបតីចុងក្រោយបង្អស់ដែលពាក់មួកត្រីកោណ។
៣. លោក James Madison ៖ Little Jemmy
លោក គឺជាប្រធានាធិបតីទាបបំផុត ដែលមានកម្ពស់ត្រឹម ១,៦២ ម៉ែត្រប៉ុណ្ណោះ។
២. លោក John Adams ៖ Old Sink or Swim
លោក Adams ធ្លាប់ថ្លែងសុន្ទរកថាមួយដែលលោកនិយាយថា "លិចឬហែល រស់ឬស្លាប់ រស់រានមានជីវិតឬស្លាប់ជាមួយប្រទេសរបស់ខ្ញុំ"។
១. លោក George Washington ៖ The American Cincinnatus
លោក Washington ត្រូវបានគេប្រដូចទៅនឹងមេទ័ពរ៉ូម៉ាំង Cincinnatus ដោយសារតែលោកបានក្លាយជាពលរដ្ឋឯកជន ក្រោយពេលឈ្នះសត្រូវ និងមានអំណាចខ្លាំងក្លាក៏ដោយ៕
ប្រភព៖ list25
អត្ថបទដកស្រង់ពី៖ Sabay
